Mae Harding Evans, mewn partneriaeth â Chlinig y Gyfraith LGBTQ+ CIC a LawWorks yn falch o gyhoeddi lansiad clinig pro bono personol newydd, sy’n darparu cyngor teuluol i aelodau o’r Gymuned LGBTQ+.
Cynhaliwyd y clinig cyntaf yn swyddfa Harding Evans yng Nghaerdydd ar7 Tachwedd a bydd yn cael ei gynnal bob deufis yn y dyfodol, gyda chyngor pro-bono yn cael ei gynnig i’r rhai sydd ei angen gan gyfreithwyr teulu a phriodasol y cwmni.
Wrth siarad yn lansiad y clinig, dywedodd Hussein Said o LGBTQ+ Law Clinic CIC, “‘Rydym yn hynod falch o fod yn cydweithio â Harding Evans i ddarparu un o’r unig glinigau cyfreithiol personol am ddim ar gyfer unigolion LGBTQ+ yn y DU. Mae’r rhai sy’n uniaethu fel LGBTQ + yn aml wedi adrodd i ni eu bod yn cael cryn anhawster i ddod o hyd i gyngor cyfreithiol sy’n deall eu cyd-destun penodol, ac un sy’n agored ac yn dderbyniol yn ei ddull gweithredu.”
“Rydym yn gobeithio y gall hyn fod yn gam pellach wrth ddarparu cymorth cyfreithiol hanfodol ac yn aml yn angyraeddadwy i’r gymuned LGBTQ +.”
Ychwanegodd Leah Thomas, Pennaeth Cyfraith Teulu yn Harding Evans, “fel tîm, rydym yn hynod falch o allu defnyddio ein gwybodaeth a’n harbenigedd er mwyn darparu mynediad i’r gymuned at gyfiawnder, yn enwedig mewn meysydd arbenigol fel ffrwythlondeb.”
“Fel cwmni, mae Harding Evans wedi bod yn ymgysylltu â’r gymuned LGBTQ+ ers peth amser bellach trwy ein hymwneud â Pride Cymru a Pride In The Port. Rydym yn gyffrous iawn i allu cadarnhau ein hymrwymiad i’r gymuned trwy weithio gyda LGBTQ + Law Clinic CIC i lansio’r clinig pro-bono personol mawr ei angen.”
I ddarganfod mwy, neu i drefnu apwyntiad ar gyfer clinig mis Ionawr, ewch i https://www.lgbtqlawclinic.co.uk/ a llenwch y ffurflen ar-lein.
Mae Clinig y Gyfraith LGBTQ+ CIC yn un o’r unig wasanaethau yn y Deyrnas Unedig sy’n darparu cyngor cyfreithiol am ddim i’r gymuned LGBTQ+. Gyda chymorth cyfreithwyr gwirfoddol a chwmnïau cyfreithiol, maent yn gallu darparu cyngor a chynrychiolaeth gyfreithiol cymwys a phroffesiynol i lawer o’r rhai mwyaf agored i niwed mewn cymdeithas.
Maent wedi ymrwymo i ymladd dros hawliau unigolion LGBTQ+ a rhoi terfyn ar wahaniaethu ar sail rhywioldeb, hunaniaeth a mynegiant rhywedd trwy addysg gyhoeddus, gwasanaethau cyfreithiol uniongyrchol ac ymdrechion polisi cyhoeddus ehangach.
Mae Harding Evans Solicitors, sydd â swyddfeydd yng Nghasnewydd a Chaerdydd, yn gwmni cyfreithiol gwasanaeth llawn, gyda gwybodaeth ac arbenigedd sy’n cwmpasu pob maes o’r gyfraith, o gyfleu ac esgeulustod clinigol, cyfraith teulu ac ewyllysiau a phrofiant, cyfraith gyhoeddus ac ymgyfreitha preifat ac anaf personol, hyd at gwmnïau a masnachol, cyfraith cyflogaeth a datrys anghydfodau.
Yn noddwyr balch Pride Cymru a Pride In The Port, cenhadaeth y cwmni yw darparu cyngor cyfreithiol clir, gonest ac o ansawdd uchel mewn amgylchedd sy’n hygyrch, yn gynhwysol ac yn groesawgar i gleientiaid a chydweithwyr fel ei gilydd.
Mae LawWorks yn elusen sy’n gweithio yng Nghymru a Lloegr i gysylltu cyfreithwyr gwirfoddol â phobl sydd angen cyngor cyfreithiol, nad ydynt yn gymwys i gael cymorth cyfreithiol ac nad ydynt yn gallu fforddio talu a gyda’r sefydliadau nid-er-elw sy’n eu cefnogi.
