Hoffem eich cyflwyno i Alastair Bell, sydd wedi ymuno’n ddiweddar â’n tîm Esgeulustod Clinigol fel Uwch Gyswllt.
Graddiodd Alastair, sy’n siarad Cymraeg rhugl, o Brifysgol Caerdydd yn 2005, gan gymhwyso’n Gyfreithiwr yn 2008. Dros y blynyddoedd, mae Alastair wedi ennill profiad helaeth mewn ymgyfreitha anaf personol, gan gynrychioli unigolion a chwmnïau yswiriant mewn cwmnïau ledled Caerdydd a Chasnewydd.
Croesawodd Ken Thomas, Cyd-Bennaeth Esgeulustod Clinigol, Alastair: “Rydym yn falch iawn o groesawu Alastair i’n tîm arbenigol mewn esgeulustod clinigol. Mae ganddo gefndir cryf mewn ymgyfreitha, gan gynnwys profiad helaeth o gynrychioli hawlwyr mewn achosion cymhleth. Fel cyfreithiwr uwch, mae Alastair yn dod ag arbenigedd sylweddol a fydd yn cryfhau ymhellach ein hadran uchel ei pharch.”
Wrth ymuno â Harding Evans, dywedodd Alastair: “roedd yn benderfyniad hawdd ymuno â chwmni sydd â chymaint o enw da am ofalu am ei gleientiaid a’i staff ag y mae Harding Evans yn ei wneud.”
Y tu allan i’r gwaith, mae Alastair yn mwynhau mynychu gigs cerddoriaeth leol a sioeau comedi stand-yp pryd bynnag y caiff gyfle, yn ogystal â threulio amser gyda’i blant ifanc.
