Rydym yn falch iawn o groesawu Aimee Breen i’r tîm Ewyllysiau a Phrofiant!
Cwblhaodd Aimee, Cyfreithiwr Cyswllt, ei gradd israddedig ym Mhrifysgol Caerlŷr cyn mynd ymlaen i astudio ei Chwrs Ymarfer Cyfreithiol (LPC) ym Mhrifysgol Caerdydd, a gwblhaodd yn rhan-amser tra’n gweithio fel paragyfreithiwr. Cymhwysodd Aimee yn gyfreithiwr yn 2020.
Croesawodd Laura Selby, Pennaeth Ewyllysiau a Phrofiant yn Harding Evans, Aimee:
“Rwy’n falch iawn o groesawu Aimee i’r tîm – gan ein bod wedi gweithio gyda’n gilydd o’r blaen mewn cwmni gwahanol, rwy’n hynod o falch o gael gweithio gydag Aimee unwaith eto! Mae Aimee wedi datblygu arbenigedd cryf mewn ewyllysiau, profiant a gweinyddu ystadau, rhoi yn ystod oes, pwerau atwrnai parhaus a’r Llys Gwarchod, ac mae’n dod ag arbenigedd gwerthfawr i’n tîm Cleientiaid Preifat sy’n ehangu.”
Ychwanegodd Aimee:
“Mae gan Harding Evans enw da iawn ymhlith cleientiaid a chyfreithwyr ledled De Cymru. Rwyf hefyd wedi gweithio gyda Laura o’r blaen, felly pan ddaeth y cyfle i weithio gyda hi eto, neidiais arno.”
Y tu allan i’r gwaith, mae Aimee yn treulio’r rhan fwyaf o’i hamser yn rhedeg ar ôl ei mab sydd bron yn ddwy oed. Pan fydd ganddi eiliad sbâr, mae’n mwynhau treulio penwythnosau gyda’i theulu, coginio, a dal i fyny gyda ffrindiau. Rhedodd Aimee Hanner Marathon Caerdydd unwaith heb unrhyw hyfforddiant o gwbl – profiad y mae’n cyfaddef na fyddai’n ei argymell!
Croeso i Dîm HE, Aimee – mae’n braf iawn dy gael di yma!
