Teigan Arandjelovic

Cyfreithiwr, Teulu a Phriodasol

Mae Teigan yn Gyfreithiwr yn y tîm Teulu a Priodasol.

Mae’n cefnogi enillwyr ffioedd y tîm gydag ystod eang o faterion sy’n ymwneud ag achosion gofal, gan gynnwys rhoi cyngor i gleientiaid a drafftio dogfennau cyfreithiol.

Mae Teigan hefyd yn rhoi arweiniad i ofalwyr sy’n gwneud cais am Orchmynion Gwarcheidiaeth Arbennig ac yn cynrychioli cleientiaid mewn materion cyfraith teulu preifat – yn enwedig mewn perthynas â Gorchmynion Trefniadau Plant sy’n ymwneud â chyswllt a phreswylfa. Mae hefyd yn ymwneud ag achosion lle ceisir Gorchmynion Peidio ag Aflonyddu mewn sefyllfaoedd sy’n ymwneud â cham-drin domestig.

Cwblhaodd Teigan ei LLB mewn Cyfraith a Hanes ym Mhrifysgol Abertawe yn 2021, cyn ennill Gradd Meistr mewn Ymarfer Cyfreithiol a Drafftio Uwch o’r un brifysgol yn 2022.

Ar ôl cwblhau ei hastudiaethau ôl-raddedig, bu Teigan yn gweithio fel Paragyfreithiwr tan fis Medi 2024, pan ymunodd â Harding Evans i ddechrau ei chontract hyfforddi.

Y tu allan i’r gwaith, mae Teigan yn mwynhau treulio amser gyda’i theulu a’i ffrindiau ac wrth ei bodd yn mynd ar ddiwrnodau allan gyda’i chi.