Dewch i gwrdd â Charlotte Walker, Cynorthwyydd Cyfreithiol sydd wedi ymuno â’n tîm Ymgyfreitha Masnachol yn ddiweddar.
Ymunodd Charlotte â Harding Evans cyn graddio ym mis Gorffennaf eleni gyda gradd LLB. Wrth siarad am ei rôl newydd, dywedodd Charlotte:
“Roedd gen i ddiddordeb mewn ymuno â’r cwmni oherwydd fy mod yn gwerthfawrogi’r hyn y mae Harding Evans yn ei gynrychioli a’i ddull ‘Cyfreithwyr am Oes’. Rwyf hefyd yn gyffrous iawn i ennill profiad a dysgu gan dîm mor gyfeillgar a gwybodus.”
Croesawodd Catrina Gwilt, Paragyfreithiwr yn y tîm Ymgyfreitha Masnachol, Charlotte i’r cwmni:
“Rydym yn falch iawn o groesawu Charlotte i’r Grŵp Masnachol yn Harding Evans. Mae Charlotte yn frwdfrydig ac yn awyddus i ennill profiad ymarferol yn dilyn cwblhau ei gradd yn y Gyfraith ym Mhrifysgol Metropolitan Caerdydd. Rwy’n siŵr y bydd yn ychwanegiad gwych i’r cwmni ac yn cyfrannu at dwf parhaus y Grŵp Masnachol.”
Y tu allan i’r gwaith, mae Charlotte yn mwynhau teithiau cerdded hir, treulio amser yn yr awyr agored a gofalu am ei chi bach dachshund annwyl.
Croeso i Dîm HE, Charlotte!
